Većina nas je odrasla na jako začinjenoj hrani i zapravo nam je teško zamisliti ručak u kojem nećemo koristiti obilne količine bibera i soli.
Ali ako se osvrnemo na trenutne, aktuelne gastronomske trendove uočićemo da se sve manje koriste baš ova dva začina, te da postoje mnogo bolje akternativne metode kojima možemo postići dobar ukus, a da ne narušavamo zdravlje.
Prije svega, jako je važno da shvatite da svaka hrana koju začinite solju ima isti ukus – slana je. Mi često imamo predrasude da je slana hrana bezukusna, baš suprotno, kada je slana ona je uvijek istog ukusa.
Grilovano povrće možete začini sa samo par kapi maslinovog ulja, te će na taj način samo od sebe pustiti svoje prirodne sokove i biti dovoljno ukusno. Kada je u pitanju priprema druge hrane, savjetujemo vam da se okrenete istraživanju prirodnih začinskih biljkama, kao što su ruzmarin, peršun, bosiljak, majoran ili majčina dušica što može biti idealna zamjena za so. Naravno, ukus hrane neće biti isti, ali potencijalno bi mogao biti još bolji.
Krompir prije pečenja možete marinirati u maslinovom ulju sa mješavinom svih začina. Ili možete u blender da stavite začinsko bilje i dodate mu kokosovo ili maslinovo ulje te ćete dobiti savršeno ukusan preliv za pečenje mesa. Možete se poslužiti i klasičnim začinima, poput mljevene crvene paprike, kurkume ili kumina. Na taj ćete način svoje obroke učiniti ne samo zdravijima, već i maštovitijima u odnosu na ono što ste jeli dosad.
